Við strákarnir skelltum okkur í rafting síðustu helgi og var hrikalega gaman. Benjamin fannst þetta bara frábært og eins var Ólafur Arnar frekar sáttur. Matti búinn að gera þetta áður þannig að hann vissi við hverju mátti búast.
Eftir rafting tróð maður sér í matarboð á Laugarvatn hjá Höllu og voru grillaðar nokkrar tegundir af kjöti. Mér fannst hesturinn bestur

Það er búið að vera frábært að hafa Benjamin hér hjá okkur og verður hann hér til þriðjudags í næstu viku. Mér finnst svo frábært að sjá hvað þér bræður eru sáttir og ánægðir hvor með annan. 
Ég búinn að vera í fríi núna í tvær vikur en Íris er alveg hörð á því að ég sé ofvirkur og geti ekki verið kyrr í fimmtán mínútur Það er kanski rétt en ég nýt þess að vera í fríinu og hafa fjölskylduna í kringum mig

Stelpurnar mínar hafa það líka mjög gott og fórum við Íris í þrívíddar-sónar um daginn. Það sáust ótrúlega góðar myndir af litlu stelpunni og getur maður varla beðið lengur, ohh þetta er svo frábært

Annars er allt gott að frétta af manni og eins og staðan er núna þá er bara hamingja á heimilinu og víðar Hafið það gott......  

Sofnaði aðeins með að skrifa hér á bloggið

Fullt af hlutum búnir að vera í gangi og alltaf nóg að gera í vinnunni. Ólafur Arnar byrjar að vinna á fimmtudaginn og vonandi á hann eftir að standa sig strákurinn ( efast að vísu ekki um það ).

Já Freyja mér finnst stórkostlegt að ég sé að fara eignast stelpu. Að vísu segja allir að ég eigi eftir að spilla henni big time og leyfa henni að stjórna mér hægri - vinstri En það verður bara gott.
Íris stækkar og dafnar þannig að allt virðist vera í góðum gír og daman komin í sumarfrí sem er hið besta mál því það getur verla verið auðvelt að athafna sig með slíka bumbu

Ólafur Arnar er búinn að vera á Spáni í eina viku í svokallaðri æfingaferð. Þeir skemmtu sér hið besta en spiluðu strax leik í gær og voru rasskelltir af FH 7-1 takk fyrir. Svona á ekki að sjást í 4 flokki þar sem reykjavíkurmeistararnir eru teknir í bakaríið

Það styttist í að Benjamin komi til landsins og er mikil tilhlökkun í okkar herbúðum yfir að fá kappann. Ég bauð honum að koma og vinna hér í sex vikur en mamma hans vildi frekar að hann fengi að leika aðeins í stað þess að vinna Meiri mömmustrákurinn

Svo er maður kominn í frí eftir þessa viku og byrja ekki aftur að vinna fyrr en 21 Júlí. Ekki nóg með það, fer aftur í frí í ágúst og tek þá 2 vikur

Svo er búið að fjárfesta í nýjum búnaði á pallinn fína. Komið þetta svaka stækkanlega borð ásamt stólum sem hægt er að halla aftur og flottheit. Svo er verið að svipast um eftir stærra grilli því ég er gera næstum orðið alla kvöldverði á grillinu.
 
Gott í bili og vona ég að allir séu kátir og ánægðir með lífið

Já þá er maður orðin 44 vetra gamall og still going strong Manni líður a.m.k. ekki eins og þeim ellismell sem tölurnar segja til um, það finnst mér jákvætt......

Dvölin á austurlandi var hrikalega skemmtileg og er ekkert smá langt síðan maður var á ferðinni þar. Skoðaði álverið vel og rækilega og er þetta algjört monster, engin smásmíði þetta. Það var svakalega gaman að koma á norðfjörð og rifjuðust upp margar minningarnar og þótt margt sé breytt þá er margt rosalega líkt og var
Við fengum nokkuð gott veður og var bústaðurinn sem við vorum í bara æðislegur. Stór og nýr með öllu sem maður þarf og meira til........
Fermingarveislan gekk mjög vel og fékk maður mat, kökur, kaffi og allar græjur. 
Svo er ég búinn að bjóða öllum í grill á laugardaginn og verður stuð og stemning eins og venjulega. Átti eftir að bjóða öllum "formalega" í innflutningsparty og það er svo "næs" að hafa þennan pall

Gengur vel hjá írisi og litlu og heilsast þeim mjög vel og rís spennustigið eftir að eignast litla prinsessu alltaf hærra og hærra með stækkandi kúlu

Ólafur Arnar að fara í æfingaferð til Spánar í eina viku á laugardaginn kemur og er komin frekar mikill spenningur í mannskapinn, haugur af 14 ára gelgjustrákum á ferðalagi

Kveð að sinni   

Nú styttist í það að verði lagt af stað austur. Þetta er frekar mikil keyrsla á Egilstaði og svo Reyðarfjörður með meiru yfir helgina. Ætla ekki að kvarta yfir því það verður gaman að hitta allt fólkið
Við Íris ætlum trúlega að leggja í hann í kvöld og finna okkur gott hótel í nótt og halda svo áfram á morgun. Alltaf gaman að fá sér nótt á góðu hóteli með diner og tlbehör

Það var ákveðið að fjárfesta í jeppanum og finnst manni bara nokkuð gott að eiga þennan "frekar" dýra jeppa skuldlausan en það lætur mann brosa út í bæði þegar mun meira en 200 hestöfl er stígin í botn

Grillið síðustu helgi tókst vel og var ég ánægður með að grillinu mínu tókst að afksta 10-12 kílóum á stuttum tíma. Skosku rjúpnabringurnar voru ÆÐISLEGAR. Einhvernveginn tókst mér að elda þetta rétt og nota réttu kryddin þannig að þetta rann sko ljúflega niður.

Það er svo ánægjulegt hvað það er mikið að gera. Mönnum finnst hálfskrítið þegar kreppan er í fullum gangi að ég sé búinn að flytja jafn mikið af pappír inn fyrstu 5 mánuðina 2009 og ég gerði allt árið 2008.
 
Ég keypti mér GPS staðsetningartæki í bílinn hjá mér. Hálf fyndið að láta einhverja enska kvenmannsrödd segja mér til hvenær ég eigi að beygja og svona vitleysa. Þetta er samt ótrúlega sniðugt tæki og þarf maður ekki að hafa miklar áhyggjur af því að villast en þetta er hægt að nota í öllum evrópulöndum líka

Gott í bili, bros og bjatsýni til ykkar............

Já helgin víst búin ( enn og aftur ) með tilheyrandi huggulegheitum og svoleiðis.
Var sladdi af mannskap í mat á laugardaginn og var grillað bæði naut og lamb. Það sem er svo skemmtilegt við þetta er að aldrei klikkar þessi matur
Svo eigum við Íris von á allri hennar fjölskyldu held ég í mat í kvöld þannig að maður stendur í stórræðum aftur við grillið.
Það er búið að taka úr frystinum 15 kíló af lambakjöti þannig að við erum klár í slaginn
Svona til að prufa þá ætla ég að grilla skoskar rjúpnabringur og fáið þið fréttir síðar hvort þær hafi verið ætar eða ekki

Næstu helgi á að ferðast til Egilsstaða og erum við að fara í fermingarveislu þarna fyrir austun. Verður gaman að sjá þennan hluta af fjölskyldu hennar Írisar. Er planið að vera þarna í 3 daga og er búið að græja bústað og huggó.

Svo erum við trúlega að versla okkur nýjan "fjölskyldubíl". Þetta er að sjálfsögðu algjör bilun á þessum síðustu og verstu en Yaris hennar Írisar dugar skammt í stóra fjölskyldu.
Það sem er í spilunum núna er flottur "kraftmikill" jepplingur sem fæst kanski á 2,7 milljónir ( á að kosta tæpar 4 ) en hægt að ná góðum dílum þegar eru til seðlar að borga á milli

Svo er bara halda áfram að brosa og njóta lífssins

Já maður er mættur aftur í þvílíka gleði hér á skerinu, veðrið er bara ótrúlegt og ef ég hef einhverntímann verið sáttur við 50fm sólpall þá er það núna. Er búinn að vera á grillinu að elda

Það geggjað fjör úti og gengu fundir vel. Gekk mér mjög vel á golfmótinu líka og endaði kappinn í öðru sæti og hélt uppi heiðri Servida Ef maður væri milljóner þá væri ég flakkandi um heiminn til að prufa sem flesta golfvelli í sem flestum löndum

Það er brjálað að gera "eins og venjulega" í vinnunni og er ég hrikalega sáttur við það.....

Maginn á henni Írisi minni stækkar eins og lög gera ráð fyrir, allt eins og klukkuverk og er ekkert smá gama þegar sá litla gefur frá sér hressilegt spark. Ætli hún verði ekki eins og Rebekka eða Embla frænka, hörku boltamær. Að vísu sýna fyrstu myndir af henni að hún verði eins og Selma Dögg fimleikadrottning........á sónar mynd var hún með aðra löppina upp á haus

Strákarnir í Fjölni urðu Reykjavíkurmeistarar og var Ólafur Arnar sem fyrirliði A-liðs frekar ánægður með sigurinn sem tryggði þeim titilinn, eins og venjulega er karlinn að rifna úr stolti af honum
Nú bíður maður eftir að Benjamín komi í byrjun Júlí því hann verður í rúmar tvær vikur...
Í fyrsta skipti á ævinni ætla ég að taka mér sex vikur í sumarfrí. Vona bara að allir verða ekki komnir með leið á mér

Sólarkveðjur til allra  

Já það er orðið staðfest að lítil stúlka er á leiðina í heiminn í september Er það ekki bara frábært ? Allir fjórir tilvonandi bræður mjög sáttir og get ég ekki beðið eftir stelpunni minni

Annars gengur lífið sinn vanagang og höfðum við brunch á laugardaginn í fjölskyldunni. Þetta var hjá Gunnu og Mike og komu allir með eitthvað í svanginn. Held ég að ekki sé hægt að benda á mörg hádegi þar sem svona hressilega var tekið til matar síns

Ég að fara til Svíþjóðar á miðvikudaginn og eru skipulagðir fundir og golfhringir til skiptis. Ég verð fram á næsta sunnudag en það verður skrítið að vera án Írisar í svona marga daga.
Bjössi vinnufélagi fer með mér þannig að það er alltaf auðveldara að ferðast tveir frekar en einn.

Svo er Ólafur Arnar að spila á tónleikum í kvöld í Grafarvogskirkju og er alltaf gaman að heyra hann berja rafmagnsgítarinn. Hann spilaði með einhverri hljómsveit um daginn og var hrikalega flott að heyra hann taka gítarsólo hægri vinstri

Annars er allt í sóma og blóma........ 

Góðan daginn allir saman

Nú eru kosningar yfirstaðnar og verður spennandi að fylgjast með VG og Samfylkingu varðandi ESB ( tek það fram að ég kaus hvoruga ). Mín skoðun er sú að sjálfsögðu eiga menn að vita hvað er í boði áður en fólkinu er boðið að greiða atkvæði með eða á móti slíkum samningi. Það heitir lýðræði og stjórnmálamenn eru ráðnir til þess að finna bestu möguleika fyrir þjóðina að dafna og bæta lífskjör. Skil ekki fólk sem heldur alltaf að það viti hvað er í boði án þess að vita það í raun og veru og taka sínar ákvarðanir út frá því.

Núna er Daníel frændi fermdur og var engin smá veisla í gær. Trúlegt að ég verði saddur til loka maí
Var rosalega gaman í veislunni hjá honum og verður það að viðurkennast að sjá svona gaur í jakkafötum með bindi klínir á hann cirka 5 árum eða svo í mannlátum og útliti.
( sem er bara jákvætt )

Annars er gott að frétta og braggast stórfjölskyldan í Flétturima mjög vel og getur maður ekki annað en glott yfir góður gengi í lífssins ólgusjó

Svo verð ég að rjúka erlendis um miðjan maí þar sem eitthvað af fundarhöldum verður í Svíþjóð. Að vísu var mér boðið á golfmót sem var jú kveikjan af þessu öllu. Ég verð 4 daga og ætti að vera hægt að kjafta mikið........ og spila fullt af golfi

Kveðja til ykkar.......

Vill biðjast afsökunar á hversu langt er milli skrifa

Páskarnir voru sérstaklega ánægjulegir þar sem við notuðum þá við að flytja. Já öll fjölskyldan flutt í flotta 5 herberhja íbúð með 50fm sólpalli og tilbehör. Þetta er þvílíkur munur og er óhætt að segja að flestir séu sáttir við gang mála.
Búið að selja aðra íbúðina okkar og hin komin  í leigu frá og með 1 maí. Allt gekk þetta upp eins og klukkuverk Að sjálfsögðu unnu margar hendur létt verk þannig að þetta var bara hollt og gott.
Benjamin farinn til danmerkur aftur eftir páskadvölina og var frábært að hafa hann hjá sér alla páskana og skemmti hann sér vel með bróðir sínum Ólafi Arnari.
Held ég hafi aldrei grillað eins mikið og síðustu helgi. Bara á laugardaginn voru 18 manns í mat ( eða svo ) og fór ég hreinlega hamförum á grillunum ( já fleirtala ) og skemmtu allir sér vel.
Alltaf kemur betur í ljós hversu heppinn maður er að hafa aðgang að svo stórum og heilbrigðum fjölskyldum ( eins og allir vita er búið að skera meinin norður og niður og því allir sáttir ) því þetta er ómetanlegt Allir alltaf til að í að aðstoða hvert annað þannig að stór verkefni eru í raun lítil þegar allir safnast saman.

Við Íris fórum í mæðraskoðun í gær og lítur þetta rosalega vel út allt saman. Að vísu þreytist hún nokkuð fljótt en það er skiljanlegt þar sem hún þarf að borða og hvíla sig fyrir tvo  

Brjálað að gera í vinnunni og sýnist mér á öllu að fyrirtækið mitt ætli að sigla í gegnum þessa kreppu stærra en nokkru sinni fyrr. 
Var svo heppinn að fá hann Sverri frænda í vinnu hér í sumar ásamt Ólafi Arnari mínum þannig að ég hef litlar áhyggjur af sumarafleysingum.

Svona heilt yfir þá verð ég bara að segja eins og í laginu forðum daga....................Lífið er yndislegt  

Gott fjölskylduparty í gær þar sem Gunna og Mike voru með hrikalegan góðan mat og svo voru keyptar pizzur frá Eldsmiðjunni. Skil ekki alveg með lætin í kringum þessa Eldsmiðju því mér fannst pizzurnar ekkert sérstakar frá þeim. Finnst t.d. pizzurnar frá Rizzo miklu betri
Það er svo þægilegt að vera í kringum fjölskylduna og rökræða landssins gagn og nauðsynjar án þess að nokkur sé að æsa sig mikið. Jæja maður æsir sig kanski en allir hafa skynsemi til að brosa út í annað og virði skoðanir hvers annars.

Ólafur Arnar ennþá harður á því að fermast ekki og er ég stoltur af stráknum að taka ákvörðum um þetta sjálfur. Hann er gallharður á þessu þrátt fyrir mikinn þrýsting frá flestum um að hann sé ekki að fermast sé skrítið.
Svo er þessi gaur kominn í gegnum fyrsta niðurskurð á Reykjavíkurúrvali drengja fæddir 1995 sem eiga að fara erlendis og spila fótbolta. Einn niðurskurður er eftir og hef ég fullu trú á að hann komist í gegnum hann líka því mikill metnaður og hæfileikar príða guttann.
Verður gaman að hafa hann alla páskana og er ég ennþá að vona að bankarnir verði búnir að klára okkar mál sem fyrst varðandi nýju íbúðina. Væri gaman að hafa páskana í að gera eitthvað í íbúðinni því ég ætla að taka mér frí þessa 3 daga í páskavikunni

Svo kemur Benjamin um kvöldið 5 apríl og verður í eina viku. Er alveg frábært að hafa hann svona hjá sér. Stefnan er hann komi svo aftur seinnipart júní og verði í 4-5 vikur ásamt Ólafi.
Þetta verði mikil viðbrigði fyrir mig að hafa alla mína 4 stráka ( Matti, Benji, Óli og Bergþór ) því sex manna fjölskylda finnst mér frábær. Ekki verður það verra á þessu ári þegar fjölskyldumeðlimirnir verða orðnir 7 talssins. Lífið gæti ekki orðið mikið betra

Nú er ég að rjúka í bakaríið og svo tekinn smá sundsprettur ef Íris fær að ráða ( og hún gerir það oftast

Laugardagur tekinn snemma. Byrjað á þrifum sem stóðu í einhvern tíma og fór svo þessi elska hún Íris í bakaríið og keypti eitthvað gott í gogginn
Þegar þrifin voru búin þá gerði ég skattaskýrsluna mín. Þetta er bara ánægjulegt hvað þetta er orðið einfalt. Ein keyrsla frá bankanum og allt rétt útfyllt á skýrslunni. Í alvöru talað þá held ég að þetta hafi tekið cirka 10 mín

Maður fylgist vel með stjórnmálunum á þessum tíma til að sjá hvað flokkarnir ætla að bjóða uppá af loforðum fyrir þessar kosningar. Er hálf sorglegt að kanski 10% af hlutunum sem þeir lofa verða að veruleika.
Fyrir mig er valið einfalt fyrir komandi kosningar. Ég ætla að kjósa þá sem vilja ganga í Evrópusambandið eða þá sem vilja fella út verðtryggingu hér á skerinu og sýna fram á skynsamlegar lausnir varðandi krónuna ( held samt að það sé of seint vegna þess að hún er dauð )
Veit ekki með vinstri stjórn........... ég treysti því liði rosalega takmarkað og samtals hafa formennirnir tveir sem stýra þeim flokkum verið á þingi í 50 ár. Jesús kristur........var ekki talað um endurnýjun. Sá sem er númer 2 í samfylkingunni er nýkominn á þing miðað við formennina, Össur bara búinn að vera í 20 ár. Út með gömlu apana.......þetta lið hefur setið of lengi í sama starfinu.

Svo er kominn nýr formaður í VR. Var ekkert betra að velja en þessir tveir fuglar sem fóru á móti Gunna fyrrverandi formanni ?????
Að vísu verð ég aðeins að monta mig af því að eftir að nýr formaður var valinn hef ég fengið alvöru áskoranir frá nokkrum mönnum að bjóða mig fram til formanns VR eftir tvö ár Svara svona varðandi það, ég er að vinna frábærlega skemmtilega vinnu með mitt eigið fyrirtæki og veit ég ekki hvenær þeirri vinnu líkur so, no commend

Það er komin skemmtileg kúla á Írisi sem þýðir að barnið stækkar og blómstrar og sé ég í hillingum litlar hendur og fætur..

Var búið að samþykkja öll tilboð varðandi íbúðarkaup og er nú beðið eftir svari frá bönkunum að allir megi kaupa sér nýjar fasteignir. Á ekki von á öðru að allt gangi snuðrulaust fyrir sig.

Kveðja til ykkar........ 

Góðan daginn

Nú er prófkjörum að ljúka á flestum stöðum og sýnist manni ætla að verða þokkaleg endurnýjun, það er gott mál. Þó ég sé á móti yfir höfuð öllu sem heitir kynjakvóti því mér finnst alltaf að ráða eigi hæfasta fólkið þó svo það sé fimm karlar í því eða fimm konur. Til allrar hamingju þá virðist skiptast nokkuð jafnt á listana og er það jákvætt.

Nú er maður að bíða eftir svari því við Íris gerðum tilboð í 5 herbergja íbúð á föstudaginn og fáum við væntanlega svar á morgun. Það væri nú bara cool og fá íbúðina því þetta er mjög falleg íbúð með 4 svefherbergjum eins og við þurfum ásamt 50 fermetra sólpalli, bílskúr og öllum græjum

Já Freyja mín, ég ætla að stefna að verða skemmtilegasti "gamli" pabbinn á svæðinu Nú er bara sjá hvort mér hlotnist stúlka eða drengur.

Það er gott að kreppan er ekki að fara með mann og er aldrei neitt nema tilhlökkun á að takast á við verkefni dagana sem eru bæði fjölbreytt og skemmtileg.

Munum bara að njóta hvors annars

Já takk fyrir hamingjuóskir
Það verður skrítið að verða pabbi á gamalsaldri en ef ég á að vera hreinskilinn......það er engin smá tilhlökkun í gangi Það er rétt Freyja mín, þegar menn verða aðeins "eldri" þá verða þeir betri foreldrar. Að vísu hefur það aldrei hrjáð mig að vilja ekki ala upp börnin mín og hafa þau hjá mér, en ekki alltaf ráðið

Lokssins hafði Solla stirða ( Ingibjörg Sólrún Gísladóttir ) vit á því að hverfa af pólitíska sviðinu og gera eitthvað annað. Ég þakka mínu sæla fyrir að hún endaði ekki eins og vinur okkar Davíð Oddsson sem hreinlega þurfti að henda honum út af sviðinu, að vísu munaði ekki miklu að svo færi fyrir Sollu.
Það verður sorglegt ef Jóhanna verður fyrir valinu sem formaður Samfylkingunnar, hennar tíma er kominn en endar 25 apríl ef hún býður sig fram til formanns.
Ekki skil hvað elliær karl er að rífa kjaft á hliðarlínunni, Jón Baldvin að hóta einhverju..... ég segi bara, kíla á elliheimilið Jón minn og láttu okkur hin vera

Helgin búin að vera nokkuð róleg en stundum virðist það vera að fólk þurfi að gera eitthvað, annars er það ekki eins og allt hitt fólkið Ef maður vill vera heima í leti það hlýtur það að vera í lagi, ekki satt 

Muna að halda góða skapinu

Já góðan daginn.

Má það teljast undur og stórmerki að það er von á stækkun í minni fjölskyldu. Unnastan hún Íris komin yfir 10 vikur á leið og er ég að verða pabbi á gamals aldri Mér finnst þetta bara frábært og get ég varla beðið eftir á að takast á við foreldrahlutverkið enn og aftur.
Synir mínir ótrúlega ánægðir með fréttirnar og heimta að sjálfsögðu litla systir en það er víst ekki lengur í mínum höndum

Maður verður að temja sér það að slaka meira á varðandi vinnuna og reyna að koma þessu niður í 8 tíma á dag Sérstaklega seinnipart árssins.
Það verður að vísu erfitt því það er búið að vera brjálað að gera í vinnunni og lítur reksturinn hjá mér vægast sagt vel út.....
Þetta lítur það vel út að við erum 28% yfir söluáætlunum mínum á fyrstu 2 mánuðunum þannig að ennþá hafa allir eitthvað að bíta og brenna.

Þessa dagana er bara bros út í bæði og lífið er gott

Já nú vill Framsóknarflokkurinn lækka allar skuldir einstaklinga og fyrirtækja um 20%. Finnst mér í sjálfu sér tillagan nokkuð góð nema eins og venjulega þá skekkir þetta myndina af fólkinu í neyðinni. Stjórnmálamenn segir að þetta kosti 400-500 milljarða. Það er svakalegir miklir peningar. Held að það væri gáfulegra að lækka skuldir allra húsnæðislána um 20-30% og gera þak á niðurfellingu. Allir einstaklingar sem skulda meira en 100 milljónir ættu að fá niðurfellingu upp að þeirri upphæð. Þeir einstaklingar sem skulda meira en 100 milljónir hafa kanski keypt sér sannarlega alltof stórar og flottar fasteignir.
Með fyrirtækin, þar á að setja eitthvert þak líka, veit að það eru fyrirtæki hér sem voru keypt fyrir milljarða lánsfé og eigendur slíkra fyrirtækja búnir að moka út arðgreiðslum í sig. Spáðu í að lækka skuldir fyrirtækis sem skuldar 5 milljarða, það eru 1000 milljónir í afskrift. Spurning hvort ekki væri skynsamara að bíða með niðurfellingu lána á fyrirtæki en bankarnir gætu eignast eignarhlut í þeim ? Í þeim fyrirtækjum sem slíkt yrði gert gætu fyrirtækin keypt aftur hlutaféið af bönkunum þegar betur árar  ?
Allt eru þetta vangaveltur en ég held að aðalvandamálið er það að fólkið í pólitíkinni þori ekki að taka svona ákvarðanir......Mér hefur sýnst að allir stjórmálamenn á íslandi hugsi fyrst og fremst um að verða kosnir aftur og taki því aldrei skörungslegar og góðar ákvarðanir Þó svo slíkar ákvarðanir geti gert þá vinsæla þá geta þær líka virkað í hina áttina og því þora þeir ekki að taka slíkar ákvarðanir.

Svo ákvað ég að gera nýja möppu fyrir bókhaldið mitt og er óhætt að segja að maður verið hálf-svekktur  Þarf því miður næstu fjögur árin í viðbót að hafa dálk sem segir lán tekinn til að borga fyrir Guðmund Örn Sigurðarson sem er systursonur minn sem ég gekk í ábyrgð fyrir þegar hann opnaði pizza-stað. Sýnist mér á öllu ef þessi maður hefði áhuga þá gæti hann borgað þetta sjálfur en því miður virðist hann að upplagi eins og mamma sín er, eigingjarn, ekki snefill að sómatilfinningu eða heiðarleiki yfir höfuð. Mér skilst að hann sé að fara gifta sig í USA en þangað flúði hann eftir að vera búinn að koma mörgum á kaldan klaka. Kanski sér drengurinn sóma sinn í því að endurgreiða fólki peninga þegar hann selur sinn helming í einbýlishúsi sem hann fékk í arf. En ef maður þekkir hann rétt þá notar hann þá aura " einungis " í að hafa það betra sjálfur þó svo fullorðið fólk og jafnvel börn þjáist hér á Íslandi vegna framkomu hans á liðnum árum. Vona bara að tilvonandi eiginkona hans vita að hverju hún er að ganga
Annars finnst mér mjög fyndið að þessi "ágæti" drengur skrifaði sjálfshjálparbók og gaf hana út. Verð að segja, á maður ekki að stunda það sem maður predikar ? Á maður ekki að leysa vandamál sín ? Á maður ekki að umgangast fólk eins og maður vill láta aðra umgangast sig ? Ég skil ekki hvernig menn geta skrifað svona bækur um mannfólkið og hvernig það á að vera og drulla svo yfir allt og alla. Jæja nóg um það.........

Ég ætla samt ekki að láta eitt eða tvö skítug epli eyðileggja annars mitt jákvæða hugafar og taka lífinu létt meðan hausinn snýr rétt eins og pabbi segir